某天我脫毒了，走上了情聖之路: 第二十九章 - 人 與 神
「柔柔…..」
「喂?」對面一把好熟既女仔聲講。
我諗真啲對面係邊個，同埋我岩岩講左啲咩。
咪住! 我岩岩好似叫左聲柔柔。
但打黎果個好似係卓芝黎嫁喎。
「小狼?」呢一下我就肯定佢係卓芝。
我係自己中意既女仔面前講左第二個女仔個名出黎。
「sorry我岩岩訓著左。」我是但講啲野。
「唔緊要啦，我岩岩同家楓傾電話講耐左。」
「咁你會唔會好攰?」
「攰都係我自己揀嫁姐。」
「咁不如早訓啦，我驚你聽日又無精神。」
「咁好啦，早抖啦。」
收線之後就去左訓，訓既果陣成日係到諗;
究竟柔柔對我係咪只係兄妹咁簡單?
如果柔柔唔係一個中一生，其實我係咪真係會揀佢。
我腦海裡再次浮現第一次見到柔柔既境況，係足球場佢衝落黎擔心我既傷勢。
柔柔，我同你只係猶如親情般既友情，定係我唔敢承認既愛情?我同卓芝仍然保持地下情既關係。
直到班際羽毛球比賽。
呢次活動亦我同家楓正面對決既好機會。
「好啦! 我地要選出兩男兩女為我地參戰羽毛比賽。」肥森係開班會果陣講。
我地既校內羽毛球比賽需要每班派三個人做代表，不論男女，進行全校性既無差別大亂戰。
換言之如果家楓肯代表佢班參賽我就有機會同家楓對決。
我都唔知點解一諗到有比賽就想係全校面前打敗家楓。
不過又唔知佢係咪真係會參加。
都係唔理，參加左無蝕底。
「我參加!」我拍枱。
「而家係打羽毛球，唔係踢波喎。」肥森係老師枱前面指住我講。
「得啦，總之我打。」
可惜位就得三個，連埋我有四個人爭。
肥森會長決定係體育堂進行選拔戰。
「你得唔得嫁?我好似未見過你打羽毛球。」肥森講。
「一陣體育堂你咪知囉。」
體育堂兩男兩女分別比賽，三局兩勝，羸左果兩個同輸左果兩個分別再比賽一次。
再輸兩個再比賽一次，總之最快羸到兩個人就可以參加比賽。
「小狼，你真係識打嫁?」卓芝問我。
「你一陣睇下咪知囉。」我右手拎起羽毛球拍。
我羸左第一場輸左第二場，好彩之後羸番，緊緊可以出場比賽。
不過全程都用右手打，兩場都係險勝。
「黃少朗，你都無認真打。」羸左我既敏兒走黎同我講。
「我有認真用右手打。」我講完就行開左。
三日後我係出賽名單見到有家楓個名就覺得好興奮。
咁即係話我有機會同家楓正面對壘。
我地班擊敗左唔少對手。
就算對住柔柔果班我都無手下留情。
因為我既目標係司徒家楓。
我地班終於同家楓果班對壘。
佢地第一個就出家楓。
我緊係強烈要求出場，起初佢地唔太想，因為我先前既比賽表現唔太好。
但經我苦苦哀求，加上我同肥森哥既交情，終於肯比我出場。
呢場人神戰終於歇幕。
第一局我基本上比家楓屈住黎打。
場上傳黎陣陣既噓聲。
「你搞咩? 你打唔羸就咪走出去打啦。」另一個隊友阿文捉住我件衫講。
「你認真打啦，等咩?」肥森燥底。
「知啦知啦。」我唔耐煩咁答佢。
第二局我就入半認真模式同家楓打過你死我活。
雖然羸到，但好明顯佢係讓我。
家楓突然向我揮手，示意我過去，有野想同我講。
「你可唔可盡全力打? 你知唔知我一路以黎最討厭就係你呢種永遠唔認真既態度? 每日淨係識嬉皮笑臉咩都唔知唔理，如果你想同我打就唔該你認真啲。」家楓突然好嬲咁同我講。
即使家楓唔講我都諗住全力打呢一局，不過佢既說話令我完全燃燒起黎!!!
「你唔好後悔。」我同家楓講。
我返回原位準備開始比賽。
我將球拍由右手轉去左手。
觀眾席因為我呢個動作而引起輿論。
我眼神一轉全然進入認真模式。
對面既家楓回以一個興奮既眼神。
就好似一拳超人既琦玉終於搵到一個可以全力一戰既對手。
家楓開出第一球。
顯然特登打高左比我抽擊。
我都唔客氣一下抽落去，個波高速落左對面場既角位到。
全場震驚，但家楓好似一早預料到我有咁既實力，淨係係到微笑。
我拎左發球權，我盡力開一個短球。
家楓好似想同我展開短球戰咁。
佢將個波打到好貼個網。
我地兩個係前場進行短球戰，不斷將個波左右左加咁打，務求消耗對方體力。
可惜我唔太善長前場戰，再係咁落去我會輸發球權。
我用力將個波抽去後場。
家楓反應好快咁迅速退去後場救波。
一個高吊球打左番黎，我毫不客氣咁將個波揪落佢既對角到。
估唔到佢夠快奔到去救呢一球。
個波打左黎我前場，個波既高度岩岩好比我揪落既前場到。
論佢再快都無可能救到。
“啪!!”
個波應聲落地。
「1:0，黃少朗羸。」球証報分。
全場既歡呼聲無法掩蓋家楓既殺氣。
睇黎我燃起左呢位男神既鬥心。
「好耐無試過有人可以同我公平對壘啦黃少朗!!!!」
「今日我會拆毀你既神話。」
1:0之後家楓好似變左另一個人咁，每球都至我於死地。
我同佢既分數不斷係到拉鋸。
我地呢十一分打左好耐，直至而家都仲打緊和局。
大會亦都宣佈我同佢打決勝分。雖然我同家楓都已經喘晒氣，但明顯見到佢既體力比我更少。
始終我係足球有做體能訓練，耐力自然比佢好很多。我地各自飲左一啖水，比賽就繼續。
我開出一波短既低波，盡量唔比佢揪我。
我地又好似一開始咁前場對壘。
家楓一下滴左去我前場既左邊最邊既位置，我即刻瞬閃過去將個波打番去對面後場 。
以佢當下既距離同體力應該打唔到個波去我既後場。
我跑去前場準備接佢呢一波。
果然佢只能夠打番黎我既前場，我當然唔會送個波去後場咁益佢。
我輕力一燙，個波落係佢前場。
正當我以為贏緊之際，竟然發生我預計唔到既事。
家楓迅速出現係我面前，將個波打左去我後場。
好彩高吊波，我應該可以追得到!!!
我出盡力跑，我飛身去呢球關鍵性既波。
“啪”
我成個人跌左落地，可惜我只係緊緊掂到個波。
發球權再次落係家楓手上，換言之佢只要贏埋我呢球就可以拎分勝出呢場比賽。
我更加打醒十二分精神，接應佢每一個致命既攻擊。
家楓改變左節奏，由咄咄逼人改成打得好穩健，感覺上想利用緩慢既節奏黎回一回體力。
我都跟住佢節奏打，盡量回復體力，準備下一輪既攻擊。
我耐性始終有限，唔想再同佢僵持落去。
我簡單將個打去佢前場，佢順勢將戰場改係前場。
我唔會比佢咁易得呈，我將個波揪番去佢後場。
家楓好似預計到我所有動作咁，走左去後場回擊。
比賽節奏急劇上升，全場都係揪擊既”啪，啪，啪”聲。
丁點既人聲都無，我同佢處於鹿死誰手既狀態。
只有稍微差池就比對方有機可乘。
我終於等到一個黃金機會!!
家楓撻Q打中拍邊，個波緩慢咁向我飛埋黎。
呢個係一個㩒柒佢既好機會。
我諗都唔諗就㩒落去。
“啪”
點解家楓會擋到?
大獲!!!個波去左另一邊。
以我同個波既距離，根本救唔到。
我唔想輸，唔想再係司徒家楓既後面。
「啊!!!!!!!」我大叫。
那怕只有一次機會，我都想締造奇蹟。
我都想成為一個神話，唔想再係佢之下。
求祢……比一次機會我!!!!
「黃少朗獲得發球權。」球証講。
我救到?我真係救到!!!!
但點解咁痛既?
我隻腳抽筋?一定係岩岩救波跳得太用力，小腿肌肉已經不勝負荷。
我只能夠勉強咁企番起身。就算再痛我都要打完佢。
「小狼唔好再打啦!!!」肥森大叫。
我無理佢，繼續開波。
我已經斷送左卓芝比家楓，我唔想再輸比佢。
可能集中力同體都已經差唔多耗盡，開波開到好差。
比家楓有機可乘。加上小腿抽筋後亦然有痛感。
發揮得越黎越差。完全搵唔到空位反擊。
體力所剩無幾既家楓都做唔到致命既絕殺。
聰明既家楓，將戰場移去我唔善長既前場。
體力不計既我無法發揮水準，將個波打左落網。
發球權供手相讓左比家楓。
我無論如何都要搶番發球權。
我不斷作出致命性既揪擊，但完全無效。
小腿既疼痛越黎越大。
估唔到家楓故意放高波去後場，引我㩒佢。
佢跑上網前直接攔截，佢輕輕滴左一下，個波順應貼緊個網落地。
我雙腳岩岩著地，已經無可能回擊。
但放棄左就乜都無，我用埋緊餘一道力，緊緊將個波打番過去。
始終人敵不過神，原來一切係家楓預計之內。
家楓直接㩒左去我後場。
我徹底輸左比佢。
「司徒家楓勝!!!」球證宣判。
我聽到好多人歡呼，什至有跑去恭喜家楓。
家楓攰到坐左係地下，向樹起佢既拇指。
我知佢係真心讚我打左場好波。
但我真係笑唔出，我呆坐左係地下接受自己既失敗。
突然有人扶起我。
「對唔住呀肥森。」我強忍淚水。
「放心交比之後既隊友。我地已經嘆為觀止。如果佢係最接近神既男人，就只有好似你咁樣既神的化身先可以同佢匹敵。」肥森安慰我。
返回觀眾席既時候，見到卓芝細心咁照顧家楓。
我知道我唔單單輸左場波………