究竟是什麼聲音呢?我感到好奇。

「戈戈~我聽講你受傷左,所以人家一落堂就來搵你啦~」聲音聽落去係女聲,但我一聽就認到係邊個發出,只有她才會嬌聲嗲氣地同我講野。

話音一落,一位金髮女孩走了進來。我一眼認到她,佢係我同班同學,坐係我前面。人如其名,笑容甜甜的。個子不高。

「甜甜,妳點解會來既?」我認為佢唔只係因為關心我有冇受傷而來探我。

「耶~戈戈,我咪講左因為聽講你受傷而來探你囉~」她邊講邊走到床邊。



「我唔覺得妳只係因為聽講我受傷而來探我。」正所謂,無事不登三寶殿。平常我同佢唔係特別熟,但她只要有事需要你幫忙的話,佢就會主動搵上你。

「戈戈,我估唔到妳係咁睇我囉~人家平常都很關心你~」佢裝作傷心的樣子。我真係佩服佢既演技。

在我旁邊既紫晴從甜甜入來個刻開始就瞪著她,不過甜甜好似故意無視她。紫晴好似忍受唔到俾人無視,就開聲問甜甜:「妳係邊個?同小戈很熟嗎?」

甜甜都將視線落在紫晴身上,兩人互相望着對方十多秒,搞到我唔知應唔應該開聲好。正當我想開聲個陣,甜甜問她:「妳又係邊位?同戈戈很熟嗎?」

「依個問題係我問先,所以妳答先。」



「好吧,我回答妳問題先。」說罷,她露出她甜美的招牌笑容。

「嘻嘻~我係戈戈既女朋友啊,當然同佢很熟啊。好啦,我已經回答左妳既問題,依家到妳答我既問題。」

什麼?甜甜妳唔好亂講野啊!我同妳根本就唔熟,妳點會係我女朋友?依個時候,我感覺到從紫晴方向散發的殺氣。我即刻開聲:「甜甜妳唔好亂講野啊,我同妳都唔熟,妳根本就唔係我女朋友。」

「咩話,戈戈~我地日日放學都做個d野,你唔會係想始亂終棄吧?」佢故意將個D野依3隻字拖長,仲含情脈脈咁望住我(我肯定佢係裝出來既)。這無疑係火上澆油,我感受到旁邊既殺氣多左10倍。

我聽到後都暈啦,咩野始亂終棄啊?唔好亂用詞語喎。



紫晴滿臉殺意:「小 • 戈 , 你最好解釋清楚你同佢做左D乜?」

正當我想解釋個陣,甜甜撓住我隻手,並說:「我同戈戈緊係做個D野啦~我地做果D野洗同妳依個外人解釋咩?」佢故意加強外人依2個字既語氣。

紫晴聽到後,也不甘示弱:「我先唔係咩外人呀!我係小戈既青梅竹馬,係佢細過果陣既玩伴。」

「不過係戈戈小時候既玩伴而已,點夠我依個女朋友重要啊,係咪呀,戈戈~」

我無語啦,我已經講過我唔係妳男朋友,但妳仲要話我係佢男朋友,我都唔知點答佢好。紫晴見我唔出聲,以為我默認,便說「小戈,妳依個衰人!你細過應承長大後會娶我架,估唔到你唔
止唔記得我地既約定,仲搵埋女朋友!我以後唔睬你啦。」

講完之後,佢喊住跑出房間。我原本想追出去既,但我既手俾甜甜撓住,我都唔好意思用力甩開佢隻手。我只好啤住甜甜:「最衰都怪妳,係到亂講野整喊左紫晴。」

「哎喲~原來果個女孩叫紫晴,戈戈,你幾時識左一個俾我仲靚既女仔,嗚嗚...戈戈唔要我啦...」



我沒好氣咁講:「咪玩啦,甜甜。」我將同紫晴如何認識同我受傷既原因一五一十講比甜甜聽。

「原來係咁,咁我唔阻你追返你女朋友啦,本來我有D事要同你講,不過依家睇來你都唔得閒架啦,上課時我再同你講啦。」

講完之後,佢企起身,走回課室。

我心諗:終於送走左依個小惡魔啦,我要去搵返紫晴解釋清楚。





 
已有 0 人追稿