(奇幻)(愛情)(校園)龍之子: 十.真相

門口有一個....不!兩個人。
其中一個係紫晴，而佢後面既係...甜甜？！
不過我已經冇時間去諗點解甜甜會出現，紫晴會知我住邊同埋點解佢會開到我屋企既門。因為我已經感受到一股由門口傳來既殺氣。當我望到紫晴，唔知點解我覺得心虛，就好似俾老婆捉姦既丈夫。不！我做咩要心虛？我都冇同彩靈做啲咩野唔見得人既事。

紫晴行入屋，對住我講「小戈，本來我聽甜甜講你返屋企係去偷情，我點都唔信。所以我就去你屋企睇下，點知...」佢瞄了瞄彩靈，但彩靈依舊攬實我，好似見唔到紫晴佢哋出現咁。然後紫晴繼續講「小戈...你最好比一個合理既解釋我，如果唔係...哼哼！」

媽呀！點解平時睇落溫柔既女仔發起惡上黎咁兇狠。

我慌忙解釋「晴晴，依個係誤會，係誤會黎...」但我覺得自己既解釋冇乜說服力。



果然，紫晴質問我：「真係一場誤會？」她加重左誤會兩隻字既語氣。

正當我想回答紫晴嗰陣，彩靈終於從我懷中出來，對住紫晴佢哋講：「妳哋係邊個？我同主人做啲咩野關你咩事？」

一直唔出聲既甜甜終於出聲，不懷好意咁講「哦~戈戈居然做埋一個咁可愛既女仔既主人。戈戈果然貪新厭舊，遇到其他靚女就拋棄我，真係始亂終棄。」佢仲要扮灑傷心咁。

聽到之後，我無語啦。都講左我同你無咩特別關係，而家仲要係到添油加醋，講到我好似一個唔負責任既男人。

紫晴應道「哦~原來小戈係妳既主人...」我感受到佢既殺氣更強烈了，我唔想英年早逝啊！！
彩靈回答「係啊~妳依個肥婆居然識主人？」我一聽到佢依句說話，我真係要暈啦，咁樣無疑係火上澆油。



如我所料，紫晴臉色變得十分難看，瞪著彩靈「妳夠膽再講一次，死妹釘。」

正當一場大戰即將爆發之際，甜甜走到佢哋2個中間「妳哋咁樣會阻住戈戈休息，妳哋出去一陣，我有啲公事要同戈戈講。」

紫晴意外咁聽從甜甜講，走出門口。而我都講：「彩靈，妳出去一陣先。」「好呀，主人。不過主人唔好比依個女人迷惑到。」說罷，佢跟紫晴行出間屋，佢哋邊行邊瞪著對方。睇黎彩靈對我的抗力完全無信心。

佢地出左去之後，我坐左喺一張用神鹿---多拉既皮造既沙發，拍拍旁邊，示意佢坐低(並唔係我想佢坐我隔離，而係我屋企並沒有其他可以坐既地方) 並向甜甜講「頭先好彩多得妳渣，唔係架話都唔知點算，真係唔該哂。」甜甜即刻坐低，並挨埋黎：「戈戈幾時變得咁見外架~我哋唔係好熟架咩？」我心諗：我幾時同妳熟過？

佢見我冇咩反應，都冇繼續講落去，正色地說「其實冇咩公事要傾，傾公事係為左支開紫晴同彩靈。記唔記得係醫療室嗰陣我咪叫你上堂嗰陣黎搵我既...」唔...我都記得依件事，不過因為要同人馬男決鬥而忘記左。「妳搵我有咩事？」「其實我已經幫你查左你之前叫我查既野...」我心裏激動了一下，都已經係半年前既事啦,仲以為甜甜已經唔記得左,而家佢居然主動來搵我,睇唔出佢幾盡責。



點解我會搵甜甜幫手調查呢?因為甜甜佢最擅長就係情報搜集，聽講佢阿爸阿媽開情報所 負責幫人打探消息。

而我叫甜甜搵既就係我親生父親既資料，由細養到大既係我父親既好朋友，浚叔叔。我從來冇見過我爸爸，但從浚叔叔口中得知佢佢個子不高，最突出莫過於佢留着八字鬚，但只留一邊。而且佢有一隻眼瞎左。而當我問浚叔叔有關爸爸的其他資料時，佢都唔想同我講。自此之後，我就對爸爸的身份感到好奇，喺升上二年級時，我忍唔住搵甜甜幫手調查。

我即刻企左喺身，捉住甜甜膊頭激動咁問：「妳真係知道我爸爸係邊個？！」
我見到甜甜臉頰紅了一下,然後講：「你唔好激動，坐低先」

聽到佢咁講，我察覺到我失態了，：「唔...唔好意思」我鬆開手然後坐返低。

佢轉換左坐姿,橋住腳坐:「唔緊要,咁我繼續講囉。」

佢咳了一下,說:「龍王---------米爾多」