一個轉校生, 竟改變了我一生: 第三章
"喂, 你無嘢啊嘛" 阿玲講完就彈左我額頭一下
"無...無...無嘢啊, 食嘢啦"
拿拿臨食完嘢之後, 我地一齊行返學 好彩返到去都係7:40姐, 課室靜係得幾條友
我即刻的左阿謙入廁所
"拿 今朝既嘢唔好爆出黎啊, 如果唔係, 我即刻將中一丹嘢散播全校"
"得得得 唔講唔講 總之唔好爆我丹嘢出黎就咩都得"
返到課室, 阿玲一面擔心咁望住我地
"你地無事啊嘛"
"無啊 我地去傾下計姐" 我啤Q住阿謙
上完曬D無聊既堂, 終於都放學啦
但係阿玲佢被班狗公帶左去周圍行, 唔可以同佢一齊走添, 唉......
(作者表示:其實你都係狗公啦, 咁想同人地一齊走)
(阿哲表示:我係怕佢唔記得點去姐, 加上我係正人君子)
夜晚十點...
"鈴鈴鈴...`" 係阿玲打俾我
"阿哲 你衣個死人頭, 明明見到班友帶走左我都唔阻止"
"多D人, 好挽D呀嘛"
"總...總...總之你無救我出去就係你保護不力, 罰你衣個禮拜請食早餐"
"吓...."
"唔制呀 請我食呀 唔制呀 唔制呀..." 佢個把超嗲既聲正攻擊我
"唉, 好啦好啦..."我最後都係抵受唔住佢把嗲聲
"好yeah.....記住聽日7:15快快樂, 不見不散"
"得啦, 咁你早D訓啦 Bye"
"Bye"
收左線之後, 我笑得超開心, 有女約你成個禮拜食早餐wow, 就算被佢屈要請都無所謂啦
將鬧鐘較到6:30 我就訓左