慾望島: 慾望島序

慾望島遊戲規則

1. 勝出者將得到港幣五百萬元正, 成功報名並通過測試者將即時獲得港幣五萬元。

2. 每人獲派一件道具, 道具將隨電腦發放。

3. 除道具外, 每人也獲大會派出一部沒有sim 咭的Iphone。 用作搜出"key" and lock" 的GPS位置。

4. 每次遊戲只有持有"key"或"lock"的人可以過關。





5. 遊戲時間共四十八小時, 時間一到, 毒氣將於島上發放， 覆蓋率達百份之百。

6. 場地大小將有限制， 當參加者超出場地範圍， 手中 iphone將發出警告聲響， 二十秒內不能回到場內者將會被大會所安排的狙擊手射殺。


。
。
。
。
。




。
。




已經過左三十八個鐘， 距離遊戲完結束仲有十小時。

大雨一路都無停過， 我拖住Cass 一邊跑， 一邊用另一隻手擋開森林入面兩旁嘅樹枝。。。





"Cass, 要快D啦， 佢就追到上黎！" 我回頭問。

"我走唔郁啦， 不如你自己走， 唔好理我， 我自己搵地方匿埋算啦。。。" Cass 想鬆開我隻手， 但呢一下舉動只會令我捉得佢隻手更實。

"我都話左我地要一齊贏， 然後一齊走， 係一齊吖， 你明唔明？" 由於風雨關係， 再加上我亦非常緊張與急燥， 此句說話嘅聲量竟然比我想像中還要大。

面對我突然其來一嚇， Cass嘅第一個反應係呆左， 跟住就無出聲。 慶幸的是， 佢已經無再有鬆開我隻手嘅舉動。

Cass 同我係風雨中繼續前進， 急促走動加上全濕嘅褲令我腳上個傷口痛得無以復加。

"死四眼仔！" 我心裏面默默詛咒整傷我果個人。。。

我強忍住痛， 一路跑。 十多分鐘後， 係我地面前出現一座綠色同啡色嘅建築物。 與其話係建築物， 不如話係一間小房: 因為佢只係好似一個長方形盒， 大約三四米高同闊，六七米深。

"係呢度啦" Cass 將佢部電Iphone 螢幕轉向我。





"快D入去先啦。" Cass 接住講。

"未得住， 我地要先解決追緊上黎嘅佢。"

一場島上最驚險的大戰即將揭開序幕。。。