慾望島: 慾望島-Part9

位於Edith 身後幅牆打開後， 我見到另一幅牆， 一幅由不同大細LCD螢幕組成嘅牆。

而螢幕上所播係位於香港唔同位置嘅街道視頻。

中環， 銅鑼灣， 香港仔， 旺角， 尖沙咀， 仲有D我認唔出嘅街道等等。

此時， Edith 透過耳上嘅Handfree 同另外一方發出指示。

"麻煩將視頻轉去亞Dick 個 Channel"





一秒過後， 所有螢幕一跳。 係螢幕中出現嘅係。。。

爸爸， 媽媽， Andrew, 亞Cat, 我公司老闆， 安仔， 同理其他唔同地方， 包括:

我屋企同公司樓下， 我成日去果間超級市場， 茶記門口。。。

經過頭先一連串同Edith 嘅對話， 我對佢[公司] 監察我嘅行為已見怪不怪。 不過， 仍未可以解開我嘅疑問。

"點樣肯定我一定會參加[慾望島]？"





"哦， 可以咁樣嘅~ 唔該將Screen 37 project 去Full Screen" Edith 用Handfree 同另一方溝通著。

兩秒後， 所有細螢幕組成左一個大螢幕。 而大螢幕上顯示出銅鑼灣禮頓道嘅畫面。

同一時間， Edith 推左我張櫈去窗邊， 此刻我感覺到我自己好似一個坐左係輪椅上嘅病人一樣任由他人擺佈。。。無錯。。。只要我雙手仍未自由的話。。。

從我眼中所見， 螢幕上所顯示嘅係同街上一樣， 亦即係live畫面。

"你應該好清楚見到街上面嘅行人， right? 隨便揀一個人然後話我知please。" Edith 比左個指令我。





"你地又想點吖？ " 我嘅另一個疑問又出現。

"咁你係咪想知我地點令你參加[慾望島]先~？"

Edith 完全知道我心中諗乜野， 我無辦法。。。

係畫面上， 咦！ 咁啱， 我見到我頭先係電梯入面撞到個鬼婆。。。

"就著藍色衫果位外籍女仕， 係郵筒隔離果位。" 我指向螢幕上禮頓中心方向。

"明白， Company code: C0273AA, Anesthesia* Team ready。 " Edith 用Handfree 溝通着。

*Anesthesia=麻醉






"Target  locked, 禮頓中心郵筒藍衫外籍女仕, you are allowed to shoot。"

"3......2......1"