曾經同一個女仔大戰咗幾年: 36

「咁妳又唔養狗嘅？」我問。 


「唔想再養啦嘛。」她微微笑說，只是這種笑帶點苦。似乎她好像不想再繼續停留在這個話題上。 


「妳養過啦？」 


「嗯，係呀。之前囉。」 




「咁佢而家......」 


「喂，食飯啦。」忽然徐嘉恩的爸爸拍門。 


「出去食飯啦。」她說，暫時避開這個話題。 




到飯廳，我才知道徐嘉恩的母親也回家了。 


「啊，伯母你好。」 


她只微微點頭。 




一家人吃飯，只有我一個外人，氣氛有點奇怪，也尷尬得很。 


這一晚的晚飯餸菜蠻豐富的，有魚有雞有菜（對我而言），不知是否有我在的關係。 


為了打破沉默，我唯有做主動那一個。

「係啦，你地有無聽過哩個笑話？從前有個窮人病咗，患咗好重嘅病，但佢無錢，所以唔想睇醫生。之後佢屋企人強行拉咗佢去醫院。 


佢就係咁係醫院大叫：『放我走呀！我都睇唔起醫生呀！快啲畀我走啦！』 


然後有個醫生聽到個病人嘅大叫，就即刻衝出黎：『你老闆！睇唔起我？出黎隻揪！』」 




。。。。。。。。。。。。。。。。。。。。。 


我還是不說話比較好。 


徐嘉恩的媽媽是沉默寡言的人，而爸爸則叫正常，不過問的問題卻難以回應。 


「你想溝我個女呀？」我正想挾菜吃時，他忽然問道，嚇得我像劉備一樣失箸。 


「阿爸，你亂講乜野呀？」徐嘉恩有點生氣地問。 




「係呀世伯。」 


我感到所有人的視線也轉向我這邊。

全場靜默數十秒，然後爸爸才放聲大笑說：「哈哈哈哈，夠膽識呀後生仔。」他靠攏一些說：「不過咁，我個女好難追架，佢好難搞，又男人性格，你小心啲呀。」 


「阿爸呀！」 


「咩啫，我又無話許配妳畀佢，妳自己揀架嘛，我提醒佢啫。」 


「得啦，你唔好講野啦，食菜啦。」徐嘉恩挾了一大住菜給他。 




「想用野食黎收買我，不過見係乖女無計啦。」 


俗語說，擒賊先擒王，要跟老人家溝通好才是成功的一半。 


所以要投其所好。 


「我呢，其實識唱返兩首。」我說。 


我放下碗筷，吸一口氣，然後開始以高音女聲混合近乎破音的聲道唱：「落花滿天蔽月光，借一杯附薦鳳台上～ 



帝女花帶淚上香，願喪生回謝爹娘。 

我偷偷看、偷偷望，佢帶淚帶淚暗悲傷。 

我半帶驚惶，怕駙馬惜鸞鳳配，不甘殉愛伴我臨泉壤。 

寸心盼望能同合葬；鴛鴦侶，相偎傍～」 


我唱畢後，他們面面相覷。 


「咩黎架？」徐嘉恩的父親問。 


「帝女花啵，你地無理由唔識。」

「真係唔識.......」 


..................................... 



「佢地睇西片多，唔識哩啲架啦。」徐嘉恩解答。 


飯後，徐嘉恩送我回家，我們走在半黑的街頭，街燈黃光微弱的灑落在我們身上，四處都寧靜，大部人都回家，街上只有我們。 


「其實咁近，唔洗送我啦。」我笑說。 


「點解要咁講？」她低頭問我。 


「咩點講？」 


「話中意我。」 


「咁我講真架嘛。」 


「你......」她停頓遲疑了，有話想說，但說不出來。 


「你爸爸媽媽都幾好感情呀，唔似會嗌交呀。」 


「其實，哩段係我媽媽第二段婚姻黎。」 


「即係，佢唔係你親生爸爸？」 


「係呀。」 


「但佢幾錫妳，咁都好呀。」

「我都覺，佢對我好好，好照顧。」 


街上只有踏踏的聲音，還有風聲。 


「你呢，有無聽過童話？」 


「王光良嗰首嘛，我記得。」 


「你中唔中意？」 


「做咩咁問。」 


「無呀，我幾中意啫。」她笑說，然後哼起旋律來，我陶醉在她的聲音上。 

忘了有多久　再沒聽到你 

對我說你　最愛的故事 

我想了很久　我開始慌了 

是不是我又做錯了什麼 


「徐嘉恩。」 


「嗯？」 


「我會入到同妳同一班，同一個選修科架。」 


「你知我想揀咩咩？」 


「總之一定，當一場比賽好無？」 


「好。咁贏輸係？」她盈盈水柔的眼睛望著我問。