【網遊】詩聖神話: 第十七章：墓園決戰
『明明只係人多蝦人少。』女性望向身後正追著她的人，不屑的道。女性一身黑衣，黑色的長髮隨她奔跑的節奏擺動，腰間掛著一把小匕首，光憑裝束就知道她是一個刺客。
『切！如果唔係你地太多人一早就殺曬你地！』黑衣女咬牙切齒。
『你個賊仔女魔頭，快啲比翻啲戰利品我地！』追著黑衣女的人群中其中一個為首的放聲，似乎想令黑衣女聽到。
『哼，自己技不如人就發窮惡。』黑衣女冷笑一聲，隨後提高音量向後方的人大喊：『唔係人多就巴閉嘅！捉到我先算啦！』
『兄弟，對住啲咁嘅人就算係女都唔使留情！』為首的一人鼓舞士氣，跟著後方的眾人有如公狗發情般高聲吶喊。
『嘖，噁心到死。』黑衣女對後方的叫春聲表示完全鄙視，『影子之舞。』一聲低喃，黑衣女的身影被幾道無中生有的影子包圍，速度加快了好幾倍，後方眾人一瞬間落後，但女子並不能完全擺脫追兵。
『嗯？』黑衣女的眼前是一座典雅的西式墓園，墓園本身不是她的著眼點，她沒有打算靠躲在裡面擺脫追兵，更令她在意的是墓園中的兩個人，而且兩人似乎都注意到她的存在了。
『哼，果兩個人應該可以利用一下。』
__________________________________________________________________________________________________________________________
『喂，木頭。果邊係咪有人跑緊埋嚟呀？』陸雪晴發現了不遠處的身影，詢問正準備登出的我。
『唔好理人咁多啦，遊戲唔係得我地一個架。』我試著平息她的好奇心。
『佢好似比人追緊添喎。』陸雪晴續道。黑色身影的後方有一堆人，都在向這邊趕過來，看樣子只有兩種可能性。
一、正如雪晴所說，被追住。二、捉迷藏，十幾個追一個的捉迷藏我也是第一次見。
黑色身影來得很快，她跟本就是朝著我們這邊來！不出一分鐘，我連弄清楚發生甚麼事的時間都沒有，『她』已經來到我們面前停了下來，顯然有事找我們。來者是一個黑色裝束的女孩，外加黑色長髮，比雪晴高但比我要矮，眼神清澈利落，黑色裝束更突顯她玲瓏浮凸的身材。
啊，真麻煩。還想著快點下線吃飯，怎知道被一個黑色裝束的女孩打斷我的計畫。
『你地，幫下手得唔得？』女孩冷酷的聲音一點也不像有求於人。
『唔得。我趕住下線食飯。』三餐時間穩定是首要任務。
『唔會阻你好耐。同我一齊搞掂後面班人。』黑衣女孩依然用著她冷酷的聲線。
『你係咪惹著佢地啲咩呀？』我無力回應。阻人食飯死咗會俾人......咳咳，錯頻道。
黑衣女孩頓了一頓，然後再說道：『佢地搶我怪，打完爆咗野之後我只不過係攞翻我應得嘅野啫，佢地就一直係咁追我啦。』又是搶怪事件啊，話說這遊戲這麼多同類事件真的行嗎？
『事情明白，咁佢地幾多人？』我需要進一步嘅資料，但後方的一群人已經來到墓園鬥前了。
『十人。』黑衣女孩輕描淡寫說。十人？這個女孩竟然在十人隊伍中逃出來而又求我們幫忙？
『賊女，交返曬我地啲野出嚟！』黑衣女孩的追兵已經將我們三人，連同小蕾重重包圍，令陰森的墓園熱鬧起來。
『哼，自己道行唔夠就唔好怨人啦，你地要我講幾多次啊？』黑衣女孩挑釁著追兵們，轉頭低聲向我說：『你地係詩人同劍士架可？組我一個。』
『組你？點解呀？』『你真唔知定假唔知呀？詩人嘅和弦係要團隊先有用架！快啲組！』我聽著她的意恩照做。
『系統提示：玩家『煙雨』加入隊伍。』
煙雨？名字不錯。
『果邊個兩位小兄弟同小姑娘，我地唔想傷及你地，好快啲走開。』站中間的那個『以理服人』說。以理服人是個樣子很敦厚的大叔樣子，一開始就對我和陸雪晴好言相向，一點不像會搶怪的人。不過人不可以貌相就是了。
『小兄弟你唔好信個女賊講嘅野呀。』 以理服人見我沒有退場，開始急起上來。
『攻擊和弦！』我隨手掃出一個chord，一個紅圈擴散，穿過了在場所有人，但只有我們三人有Buff，對著有可能搶怪的人，我沒什麼好說，做好作戰準備才是重要。
『大叔，你話佢係女賊，有咩根據呀？』我開始根以理服人談判。既然跟煙雨組了隊的話就代表我也不可能置身事外。
『小兄弟果然係講道理嘅人。呢個女賊係一個戰利品小偷，佢將我公會兄弟打中BOSS嘅掉落品都偷咗去。』『公會？』我有一絲不解。
『銘恆小兄弟你仲唔知呀？雖然遊戲仲未開放公會系統，但係有唔少人已經好似我地咁預先組定一個公會啦。』以理服人詳細為我解答，看他敦厚的樣子我開始懷疑煙雨的可信性。
『煙雨？』我唯有詢問當事人。
『唔好唔記得，搶就係搶，啫係強盜，無需多講。』因為之前有類似的經驗，煙雨的說話我很認同，即使對方是個看似誠實的大叔也好。
我拔出青狼劍，對玩家這把劍應該還派得上用場，既然以理服人好言相向，我也要禮貌回應：『大叔，得罪啦！』
煙雨展露了一絲笑意，有了我的和弦加成她放膽衝出去。起初對面十人都以煙雨為中心攻擊，陸雪晴見狀旋即加入戰團，為煙雨分擔一部分戰力。
縱然對方有十人，在兩個美女靈巧的走位之下竟然能打個平分秋色。煙雨是一個刺客，手上的兩把匕首不斷地向敵人頸上抹去，瞬身術一下子跳到一個可憐蟲的後方發動背刺，雙匕落下，那個人連驚呼都沒有便化成白光死去。
至於陸雪晴那邊，一把鐵劍與兩人對拆，上挑斬橫斬等技能交替使出，基本上只要不是蟲子鬼怪或是超過三人，節奏掌握都會在她一邊。反而煙雨更加惹人注目，單人匹馬拖住六人都可以站穩。
『小兄弟，你令我有啲失望。』以理服人說罷，舉起長槍和盾牌向我衝來。騎士的弱點是速度慢，典型的重裝堡壘式職業，和他厚實的形象相襯。
『青狼迅捷！』加速技冷卻好，我的四周再次被一道風包圍著，速度遠遠超過一個騎士。
戰鬥的局面變成煙雨拖住六人，陸雪晴對陣三人，而我和為首的以理服人對拆。
藉青狼迅捷的速度連刷兩劍，但騎士的裝甲和防禦實在太厚了，一時三刻未能破開。以理服人所有沒有被鎧甲包緊的部份都被他保護得非常好，密不透風的防禦完全阻隔我的攻擊。他並不是處於一個只有我攻擊的被動狀態，偶爾看準機會，一把長槍由意想不到的角度插來，封鎖住我閃避的路線。
『貫槍！』以理服人的長槍發出強烈的光芒向著我左邊五度角刺來！糟！他這是計算好我青狼迅捷加成速度的每秒位移！
啊啊！痛死了！血條急降一半！這個人的槍法和預判功力水準不低啊！時到如今唯有忍著疼痛一戰吧。
『回復和弦！』換上樂琴，我的攻擊力對堡壘騎士的作用不大，現在可以做的事就是盡量拖時間，解決兩位美女的回復問題和拖住以理服人。
切換和弦後我再與以理服人拆招，明確找到自己要拖時間的目標後，感覺戰鬥好像輕鬆了。
『到此為止啦。』煙雨的雙匕架在以理服人的後頸上，只要一使背刺就能重創他。陸雪晴也跑過來，劍指以理服人，看來我拖時間成功了。
『哼，小兄弟，你真係一個詩人？玩劍玩得唔錯喎』以理服人似在無視掉後頸的威脅向我說道。
『大叔過獎。』受人讚賞要有禮回應。
『如果你唔係忠奸不分嘅，我真係好想請你加入我嘅『孤舟釣客』。』
『唔使啦，我同人有約。』『係呢位劍士小妹妹哩。』
『奪影劍！背刺！』接連兩招技能，煙雨將以理服人送回城去。
煙雨的兩聲驚醒了我：『老實答我，頭先大叔講你係賊應該係真架可？』
『啊，終於搞掂呢幾個人啦！攞少少野啫就咁追法。』煙雨一百八十度變臉，一臉不高興，不停跺地，『係喎，仲有多謝你地塙我搞掂班麻煩友啦 ~ 』
『大叔冇講錯呀！我就係佢地講果個戰利品小偷。』煙雨回答道。
我二話不說將煙雨踢出隊伍，舉起青狼劍再次進入作戰狀態。
『決鬥模式算啦，反正你有份幫我搞掂佢地，同埋你係個詩人，我唔想勝之不武。』煙雨向我提議，『如果你贏咗你就殺咗我或者任意命令我，如果你輸咗嘅就要加我好友。』
『加我好友？』我打輸的賭注太簡單了吧。
『加我好友嘅意思就係我要有幫手嘅時候，可以即刻聯絡你，而你唔可以唔到。』煙雨說明她的追加條件，『點呀？』
『幾得意吖。』