《我遇上了我的夢想女生》: 第四章

平平無奇咁樣過到去中秋節，有煙花睇既日子真係唔成日有，所以我決定約人去睇，好似近年咁樣約佢地４個，但今年例外D，因為我決定約埋盈 。

「喂，你搵機會約佢出街洗唔洗擺埋我地上台」豪不肖地說。

「HA，兄弟黎架嘛，幫幫手啦。」我說。

「雖然人地係你女神姐，但你又知人地一定會應約架啦？」傑說

「所以如果佢約左人我咪可以同你地出街街囉」我笑著說。



「兄弟？」「收得皮。」傑，豪說到

「我先唔想比閃光彈閃盲自己。」曦說

「有得放我都想放，一於咁話，到時見。」我說

「傾咩傾得咁開心阿你地４個。」盈 問

「無，我地４個中秋節戈陣去睇煙花，你去唔去？」我說



佢地３個唔介意既HAHA。

「喔，都有好多人搵我去睇，但我都係比較想同你地睇多D。」她說

「點解？」傑問

「同你地４個玩唔洗驚小人之心，可以盡情咁用自己最真既性格同你地玩，唔洗驚雙面人囉。仲有見你地４個串黎串去真係好好笑。」她開心地說

「識左幾日咋，咁快咁熟我地？」豪說



「同你地一齊真係好開心既，易熟，哈哈。」盈 開心地說。

「咁到時見啦。」我說

「嗯」「哦」「唉」「好阿，咁到時見啦。」

至於頭3個答得咁HEA你地都知係邊幾個答啦。

我地學校通常中秋節正日係唔會放假，只係放第二日，因為驚我地玩到夜，所以先放第二日，咁我E D返學都係等放學既人通常都唔會太認真聽書，更何況可以同放學同女神去睇煙花呢，渾渾噩噩咁樣又過左今日。

「等陣７點xM記等啦。」我說

「嗯，到時見啦。」盈 說。

我一返到屋企就立即沖返個涼，我係個好易出汗既人黎，所以放學唔沖涼就會成個人都好唔舒服。



［叮］電話響起了

「去到邊阿PK們。」傑說

「而加出門口。」豪說

「下？咁快？即刻換衫= =」曦說

「準備出門口。」我說

「姐係換緊衫啦。」傑說

「你又知？」我問



「識你咁耐有邊次唔係。。。」傑說

「我差唔多到啦。」盈

「下？」「咁快？」「奈已無」「= =」

「要個女仔等4個男仔，好唔好意思A_A」我說

「唔緊要啦，我做慣左等人戈個」盈說

過左10多分鐘，我地終於齊人，應該係話唔想要個女仔等我地而我地即刻已神速趕到，開始周圍行下睇下有咩買，有咩食，過多一陣煙花就開始，當然，我地影左好多相，我對盈既好感又大大增加左，因為今次已經證實左，佢係一個好鍾意笑既女仔，同埋佢無公主病。

「好靚阿。」盈似足一個小孩地說

「係阿，真係好靚。」我說。



「可惜有人醉翁之意不在酒。」傑壞笑地向著我說。

「下，唔係好明。」盈說

「其實唔洗明，繼續睇煙花啦。」我瞪著傑說。

就係咁，過左個幾鐘，我地既行程完結，我當然係Ｅ個時候顯露我風度既時候。

「盈，夜啦，我送你返去。」我說

「好阿」盈說