《我遇上了我的夢想女生》: 第八章

叮～
5個傻逼上學去
人數:5人

「到邊？」豪問

「買緊野飲」我說

「到左啦，又係你地約人，自己又遲到，唉，HIHI黎。」曦說



「有邊個到左？」我問

「差你２個咋。」曦說

「咁我而加跑出黎，好快到。」

就係咁，我地開始左我地第一日既溫書之旅。

點解係溫書之旅？因為你我眼中黎講溫書既時間係好漫長，雖則我背野真係比平常人快小小。
但我既理科絕對係同文科成反比，我做數學明明係識既，但我都唔知點解可以做錯，所以我要用好長既時間先可以溫識。



我仲記得，有年既畢業考，我首先係人地既屋企溫２個鐘，再出去M記同人溫左３個鐘，再同返人地屋企溫２鐘，再返到自己屋企溫個半，第朝早再溫２個鐘，我肯定咁多個鐘入面吹水既時間總和都唔超過２０分鐘，但我先係可以緊緊考到個60分返黎，好彩既係當時係畢業考所以一日考一科，唔係既話我另外一科一定炒。

由於盈上間學校理科都算出名，所以正常黎講佢都會識既，所以佢就一個，補我地四個，無錯，係一個補四個，但佢都無怨言，咁既女仔邊到搵？

「 e 條點做？」「識唔識做e條？」「下一步係點？」「公式係咩？」

我諗成程溫習我地4個講得最多既就係e句，而盈都係一一解答我地，由一開始到而加我地都溫左成個鐘，所以我決定落去買下野食。

「我落去買一買野食，你地要唔要？」我問



「好阿，幫我買樽葡萄適」傑說

「幫我買多支，我又要葡萄適。」豪說

「我要可樂，唔該」曦說

「盈咁你要咩？」我問

「喔，唔洗啦。」

而我就走左去最近既超級市埸都買野飲，我記得盈講過佢好鍾意飲道地戈隻荔枝肉露，所以我決定幫佢買，等佢口渴戈陣可以飲。

［叮噹］



無錯，我地係無去圖書館，因為戈到太多野唔做得，所以我地決定左去豪屋企溫。

「返黎啦，我個腦就黎卡死啦。」豪說

「哇，２支大既葡萄適。洗唔洗咁誇張」盈笑著說

［呯］


我張成袋野飲放哂係張台上面，當然唔小得零食。之後訓左落張sofa到

「好攰阿」我說

「洗唔洗買咁多野，睇下有咩野食食先，嘻」盈說



佢講緊戈句戈陣就好似一個細路仔搵緊有咩玩具咁，好天真好可愛。

咪住，搞到我好似好變態。

盈一路食住零食一路教我地。

過左１個鐘，我地既物資只係得返半支葡萄適，同埋一包朱古力。

而我做緊數戈陣望一望盈，見到佢好似好口渴，所以我就拎左我支荔枝肉露出黎，再拎上一張寫住「辛苦了。請你飲xDD」之後遞左比盈

盈見到後，好甜咁樣望一望張紙，之後再寫返句再遞比我

「你點知我鍾意飲e支？」再加個開心既符號

「我無所不知xD」而我就咁樣答返佢，遞返比佢之後我就繼續溫書。



就係咁，我地溫左成７個鐘，所以我地決定去食飯。

「終於溫完啦頂你」傑說

「不如我地去食飯？」我問

「好阿，想食咩？」盈說

「是旦啦，你地想？」曦說

「咁不如食金仔」我說

「好阿」「是旦」



－－－－－－－－－－－－－－－－－－－－－－－－－－

「唔該要個滑蛋牛加杯凍檸樂」我說
「一個滑蛋豬加杯雜果賓治」盈說

我地落完單之後，做左陣低頭族後我說

「你地驚唔驚聽日唔記得哂？」我問

「其實我好撚驚」傑說

「我都好撚驚」豪說

「你地放鬆D就得架啦」盈輕鬆地說

「今段一定要合格阿」我說

「聽日都一齊出黎溫？」豪問

「好阿」盈說

食飽飽之後我就送左盈返屋企，夜晚晚安靜再加上微風既程況人令人好舒服，所以我決左要同佢表白

(好似唔多關事。。。)

之後我就拖住佢隻手同佢講

「其實我鍾意你，可唔可以做我女朋友？」我問

有人話過，表白，要親口同佢講，再加上特別靜特別舒服既地方表白，成功率會大大增加

當然，佢既答案就係。。。

假的，我並無表白。嘻

「到啦」盈說

「嗯，咁掰掰啦。」我說

「係啦，掰，聽日加油啦。」盈笑著說

「嗯，你都要加油，雖然E句好無謂，嘻」我笑著說

「哈，多謝你，咁我上去啦。」盈笑著說

叮～
5個傻逼上學去
人數:5人
［各位考試加油！］