1.遇見妳
年半前,我仲係讀緊男校
一年一度嘅學界比賽,又係狗公識女仔既嘅時間,作為毒撚,前四年我都冇報名去打氣,而嗰一年,學校出通告要我去。
心諗 唉死期到。
一去到見到隔離係女校我已經淆底想走,我個friend就扯住我,喂正哥唔好走啦你睇下佢幾正?
「哦哦哦」 我無視佢,繼續上高登
「喂師弟,你嚟係打氣唔係上高登咖,你都高form啦唔好做壞榜樣比師弟啦,收埋部電話啦」
「。。。」
我連最後一個逃避望人嘅方法都冇埋
 


突然有一個女仔喺我面前出現,佢唔算好靚,但論氣質就真係爆棚
我一直望住佢,唔知係咪望得太入神,佢開始注意到有人望住佢。
佢一擰轉身
你眼望我眼,就係咁,我就比佢電到
我即刻扮晒四處看風景,而佢笑一笑亦都擰返轉前面
「嘩嘩嘩正哥做乜野」
「冇。。冇冇。。。冇野,收聲啦你」
唔知係咪嗰天都比機會我,個女仔突然間跌晒所有野落地下,有啲仲跌到去我腳前
第一次比人電嘅我根本嚟唔切反應,只係好緊張咁望住佢執
當然佢執完之後仍不忘望住冷酷無情嘅我


我唔敢望住佢,因為我唔想比佢電得更深
人類總是要犯同樣的錯誤
佢今次跌水樽,而我依舊淨係望住佢執
當我再望住佢嘅時候,原來佢已經怒睥咗我好耐
再一次眼神接觸
我同自己講,呢個係我人生中第一個鍾意嘅人人
我決定要從人海之中認識到佢。
已有 0 人追稿