=14px今日一家人食食下飯嘅時候,諗起阿穎第一次見家長嗰陣……

=14px係我同阿穎拍咗拖半年嘅時候,我提議話不如同我屋企食餐飯,而阿=14px穎都冇異議。

=14px嗰晚返到屋企,我就同阿娘講:「今個星期六我想帶埋女朋友返嚟同=14px你哋食飯呀。」

=14px「好呀,阿仔你終於拍拖啦!等阿媽幫你睇下……(下刪幾千字)」=14px見到阿娘笑到咁開心,睇嚟都冇反感丫。

=14px到咗星期六,我同阿穎都係周圍行下,睇下第一次見家長,送啲咩先唔失禮。首先如果送埋啲魚翅花膠即係搵著我嚟攪架啫,ban;紅酒?俾我煮餸呀?攪咗一大輪,都係即食燕窩實際啲!(最緊要唔洗我煮)





返到屋企,阿娘一開門,阿穎就話啦:「乜你有家姐架咩?點解我唔知嘅?」

嘩!屌!我已經笑到收唔到聲,但當然唔係因為阿穎誤會我呀娘係我家姐。而係……咁假嘅大話你都講得出口,真係不枉我平時對你教導有方。

「我呀娘嚟架!」

「啊,sorry呀伯母,我見你咁後生,最多好似大阿恆幾年咁,以為你係佢家姐添,真係失禮哂!」

「哈哈…唔緊要,快啲入嚟啦!」哈……女人真係易氹…………





「世伯你好呀!」阿穎入到屋,對住坐係梳化到嘅大叔講。

「嘻,我係阿恆嘅阿哥嚟架!」

阿穎望一望我,而我一於扮睇唔到,睇你點拆!

「阿恆成日係我面前話佢阿爸成日見到靚女就流哂口水咁,所以成日唔敢帶我上嚟,睇嚟今晚世伯唔係到喎,唔怪得咁放心帶我上嚟啦!」嘩,仆你個街,咁嚟陰我……

「咳嗯,衰仔,你咁同人講我,我仲洗出街嘅,罰你洗哂今晚啲碗!」





其實係上嚟之前我已經同阿穎講哂我呀爸呀媽嘅性格,所以佢先咁夠膽擺我上枱,不過……頂,都柒得好唔抵咧……

「伯母啊,不過我入嚟廚房幫你手丫!」你咁快自投羅網俾我呀娘查家宅,一個字:勇!

「唔洗啦,係到坐下咪得囉,好快咋麻。」

「唔緊要啦,順便學下嘢丫麻,阿恆成日讚你嘅廚藝好得架!」我都係講過一次咁大把(定一次都冇呢?),你都可以將誇張法演繹得淋漓盡致,小弟佩服……
係佢哋入咗廚房嗰陣,阿爸好直接咁問我:「以你嘅質素,點呃佢返嚟架?」

仆你個街,咩質素呀而家,咪又係你啲遺傳!

「你夠唔知點呃咗阿娘返嚟啦。質素?彼此彼此啦!」

「呢個女仔,把口又甜,轉數又快,名符其實又靚又叻,你得唔得㗎?」





你個得唔得似乎有啲語帶雙關咁喎!

「樣樣都得,不過你咁嘅年紀就難講啲!」

「佢做邊行架?」

「律師。」

「嘩,果然叻仔喎,有我一半咁有魅力喎!」

阿娘,唔洗煮我飯,飽哂。

「食得飯啦!」阿穎走出嚟同我哋講。

之後成餐飯,阿穎都反客為主,問下兩老啲歷史,調返轉唔好俾佢哋發問,真係高招……





食完飯,我就走咗去洗碗,而阿穎繼續陪同兩老傾計。差唔多時候,我就送阿穎返屋企。正當我以後成晚好順利嗰陣,阿娘原來一直坐係梳化到等我返嚟,而且神色凝重,都唔荒好事……

「仔呀,小心啲個女仔呀,佢可能玩你呀!」

「你想講咩呀?」

「人哋又靚又叻,點會揀你啫。」

「咩邏輯嚟……」雖然阿娘嘅問題,一直都冇係我個心到,纏繞住我……

「你照下塊鏡,你又冇錢又矮又唔係靚仔,點會揀你啦!」啊,你兩公婆真係好夾架喎!我係你個仔嚟架……阿媽……

「唉,得啦得啦,放心啦,我識睇住自己架啦!」





第二日,我同阿穎講返我呀爸呀媽嘅評價之後,阿穎笑到收唔到聲。

「哈哈哈哈哈哈哈哈哈哈哈哈……笑死我啦……」

幫你掘個窿埋起你好冇?

「有乜咁好笑!」

「邊有呀爸呀媽咁睇自己個仔架!哈哈哈哈哈哈……」你雞汁may上咗身?

「所以我懷疑我唔係佢哋親生。」

「我都知我又靚又叻,好難要人唔去咁諗嘅!」

「醫生有冇話你得返幾耐命?」





「咩呀?」

「冇,睇你自戀成咁,應該都冇得救,想睇下你幾時死啫!」話音未落,我又俾佢偷襲成功。

「呀~~~~~~~~~~~~~~~~~~~~~~~~~~~~~」仆你個街,又搣我條腰……

「我死都拉埋你落去呀!」

「認真丫,其實點解揀我?」

「冇得解架喎,可能叻人通常鍾意有啲蠢人係身邊去凸顯自己呢!」

「咁唔怪得我會鍾意你。」

「哼,衰人,串我!」嘩,你串我係情趣,我串你係衰人,果然好公平。

「邊有啫!」

「我話你有就有!罰你要照顧埋我下半生呀!」剩係照顧下半身得唔得?

「咩呀,我已經買咗對拖鞋準備拎嚟食飯架啦喎。」

「衰人……」

好衰咩?唔覺丫,跟你學嘢啫。