短篇散文集: 《高智能電話，低智能生活》

係現今呢個智能電話當道嘅年代，好多人已經變得機不離手，搭車，食飯，無聊……隨時隨地都可以拎部手機出黎打發時間。 

但大家有冇試過突然有一日，部手機突然失靈，出街唔記得帶，或者唔見左？當時嘅你又會有咩感覺？冇所謂？定周身唔舒服？又或者有冇諗過放低部電話，諗下仲有咩可以做？ 而家搭車，行街你都會見到好多低頭族，一部比電腦有過之而無不及嘅電話已經完全入侵左我地嘅生活。同人聯絡已經由以前嘅打電話變成wtapp， fb inbox；玩嘅遊戲都由以前嘅貪食蛇變到各式各樣單機或者線上遊戲。 

你又有幾耐冇試過擺低部手機，靜靜咁享受一下搭車，一個行路嘅感覺？ 

對我呢個同樣係低頭族嘅人黎講，冇左上網已經將電話嘅功能廢左大半，不過係某啲原因下，我都係決定將個電話嘅上網熄左佢。係熄完之後冇耐，當我想打開電話check有冇wtapp個陣醒起，係喎，個上網俾我熄左，於是我停低左我嘅動作，靜靜地咁等車。

隔左陣，又想睇下fb有咩更新，睇下高登有咩故睇，睇下……最後睇到嘅就係手機對我地嘅生活習慣係幾深嘅影響。於是我嘗試去諗下，我仲有咩可以做，但諗黎諗去都係冇，於是我就放低手機 靜靜咁享受下，搭車呢段休息時間。 





人就係咁，一感到悶或者無聊就會好想搵啲野去做下，以填補個種空虛。但其實又有冇人會選擇係呢個時候俾自己休息下，感受下呢個空閒嘅時刻呢？ 

每一日面對住社會上唔同嘅壓力，工作，家庭，學業…等等…到有空閒嘅時間可能連等wtapp都會造成焦慮，呢個時候，係咪好應該問下自己，到低係咪時候要放鬆下？ 如果你話玩電話係為左俾孤獨感無限擴大，其實係咪同樣地剩用呢段時間，俾自己休息下，聽下心入面嘅自己想點呢，或者係休息過後，可能會有更好嘅心情應付跟住嘅挑戰呢！