《十年又過去，我對你仍耿耿於懷》: 4

想念是一種重量

這句話又暗示了什麼？
人的其中一個弱點是，當你記掛著一件事，把一個人放在心上時，就會埋藏了一顆種子，然後用回憶和意外灌溉，種養出更大更大的掛念。


這回問她有沒有想念我，
那回她說想念是一種重量。

我不相信這不是一種暗示。



不知道她在等待什麼，但我沒法再等下去。

於是我像一隻狗公一樣，又一次找她。

「琪，做緊咩？」
「嗯？」
「無，問你做緊咩啫⋯⋯」
「悶緊⋯⋯」
「我都係⋯⋯」



救命！我們兩個人的對話像什麼樣子，根本就是狗公問娘娘做什麼，女神闊佬懶理的樣子。

「無啦啦搵我做咩呀？」她再附上一個奸笑的emoji。
「見到你Facebook 講咗句嘢，覺得得意咪搵你傾下囉！」
「啊⋯⋯『思念是一種重量』呢句？」
「嗯嗯」
「無乜野，都唔關你事...自己諗多左啲野啫。」
「咁你諗到啲咩呀？」
「無野呀...」


「有咩唔怕講wor...」
「無呀屌，咪問啦，係咪我乜嘢都關你事呀？以前又唔見你問喎，而家係度問問問搏咩呀？」

「......」

「sorry」

「no, 應該我講sorry, 唔煩你喇！有咩嘢再話我知啦...I am waiting for you.」我為了打破那古怪的氣氛，決定盡快離場。

「嗯...豪，你點解好地地搵我，唔洗陪女朋友咩？」