[有沙入眼]是咁的，我嘅職業係幫想自殺嘅人寫遺書: 27.阿金

不過，我唔比自己清楚咁記翻，因為到頭來又係自己傷心

為左分散注意，我開翻手機，又有一個新客人搵我

我發現，近呢一排，生意好左

而搵我寫完遺書之後，真係去死嘅人，比例上亦多左

「咁我5點幾去bu搵你，到時電聯。」

佢讀cu，因為早落堂，但係我未落，於是佢就過黎搵我

5點9，我坐左喺中醫藥大樓外面嘅凳度

我心諗，bu咁細，無理由搵唔倒呢度姐？

「請問，你係唔係阿金？」一把女聲喺我側邊傳左過黎