[有沙入眼]是咁的，我嘅職業係幫想自殺嘅人寫遺書: 37.全世界最好食嘅野
我地一路行，一路有傾有講，之後就到左一間酒樓
「等阿姐推介呢個世界上最好食嘅野比你食。」
咁我聽完，心諗有無咁巴閉，仲有啲期待
「蝦餃到！」
冬姐二話不說就夾左隻蝦餃落我碗
「食啦食啦，全世界最好食嘅就係蝦餃喇！」
我當堂嚇左跳，然後就得啖笑
由於我要hi7間酒樓啲蝦餃難食，所以就化名叫佢交叉酒家啦
講真，更好食嘅點心，出面大把
求其一間都皮薄過佢，晶瑩剔透過佢
交叉酒家唯一賣點，就係平到仆街
準確啲講，係對我而言平到仆街
叫埋叫埋都只係50蚊左右
「咩話？要我抄一次？」