[有沙入眼]是咁的，我嘅職業係幫想自殺嘅人寫遺書: 47.小丑

「我好記得，中學都有過姐妹，佢地都唔係有錢人，但係點都有錢過我。我無多餘錢，所以帶飯翻學校食。」

咁好自然，就唔係同朋友一齊出外面食

「放學都叫會行下街，但係我從來唔買野。佢地知我窮，慢慢就唔會約我去任何要錢消費嘅活動⋯⋯」

睇戲、食飯，最基本維繫友情嘅活動，因為阿心一直無法子出席，最後就連被邀請嘅資格都無埋

「嗰時我諗，就算去唔倒，我地嘅友誼都唔會變⋯⋯」





「即係，友誼變左。」

「只係佢地去多左活動，識多左朋友，就無再搵我姐。」

於是，阿心開始諗方法挽救自己嘅友情

只係，悲劇亦係由嗰陣時開始

阿心就好似一個頭頂著火嘅小丑，雖然想同人相擁，做盡所有表演討人歡心，但到頭來都係徒勞無功





因為無人會去摟一個頭頂著火嘅小丑