[有沙入眼]是咁的，我嘅職業係幫想自殺嘅人寫遺書: 53.盡哂力

「你坐我床得架喇，我今日要做paper」

阿心不停重複打字同揭書嘅動作，我仲以為自己睇緊gif圖

「死之前，都要做哂啲功課佢？」

「唔係點？我係學生黎，喺我未盡哂學生本份之前，我係唔可以想點就點。」

講真，阿心嘅理論，我完全無辦法理解





「你唔講真話，我好難幫你。」

聽完，阿心將視線轉左過黎，有啲訝異：「你話我⋯⋯唔講真話？」

「或者你自己都察覺唔倒，總之，你唔係你自己諗咁樣。」

阿心聽到一頭霧水，皺哂眉頭

「決定自殺，但係仲努力讀書，搏命做paper，並唔係咩做好自己。你只不過想搵個理由說服自己，同搵個理由說服我。」





我已經睇穿左，阿心嘅矛盾

「你到底講咩野？」

「對讀書，你已經盡哂力。」

我講得咁白，阿心都已經明哂