[有沙入眼]是咁的，我嘅職業係幫想自殺嘅人寫遺書: 55.求救
如果有咩冬瓜豆腐，有一次考差左的話點算？
阿心嘅成績亦等同於佢嘅經濟支柱，考得差左，甚至人地考得好過佢，佢就會無收入
最大問題係，佢係靠搏命嘅努力先有今日嘅成果，佢唔係超班精英，更唔係天才
本身佢只係希望拎獎學金同姐妹玩，但係考得好左之後，老師同外人嘅讚美，令佢決定繼續努力
就好似爬山咁，愈爬愈高，身邊就愈來愈多人支持
但某日，當外人見慣左，就無人再讚過佢
一直爬到最高之後，就發現身邊嘅人已經無哂興趣睇佢爬山，走哂
阿心就一個人企左喺山頂，但係佢而家先發現高山嘅恐怖，只不過，佢落唔翻黎
周圍一個人都無，就算大聲求救，都只係得山谷嘅回音應佢