「有。」

「咁⋯⋯⋯⋯你⋯⋯會唔會幫我?」

阿心明明係女仔,點解會有男人「未破處唔死得」嘅小強精神?

好多處男死過翻生都係因為要起翻身破處

「唔會。你搵個中意嘅男仔做啦。」我斬釘截鐵咁拒絕左佢





「所以⋯⋯人⋯⋯人地咪搵你咯!」我地兩個仲喺床上面,阿心講完仲摟得實左

「我都唔知點解⋯⋯就係啱啱你話我盡哂力嗰陣,我個心跳得好快,而家仲跳緊⋯⋯」


「你個心唔跳就死撚左啦!」我嘗試推開佢,但佢真係摟得好實

「我都要死啦!點解唔實現埋我個願望喎!」

因為我賣字唔賣身囉!我知再同佢嘈係無意思,所以我改變策略,語氣一轉:「好,乖,你起身先。」





阿心終於鬆手,移開身體

「乖,倒杯水我飲。」阿心好似隻狗仔咁,好聽話比左杯水我

「我一啖,你一啖。」我飲完就比佢飲,阿心眼中仲係充滿期待

「你平時中意聽咩歌?我地有情調啲,開歌聽丫。」

阿心扁嘴話:「我無乜點聽歌⋯⋯」





於是我就話我搵,坐左去凳度用電腦上youtube,叫阿心再飲杯水,乖乖地坐喺床等我

房入面開始播放d大調卡農,一首我好中意嘅古典音樂

然後我坐翻去床度

「冷靜啲未?」經過啱啱一連串降溫,阿心嘅呼吸已經無頭先咁急促

「嗯。」

「唔好用就黎死做藉口。我,只係幫你寫遺書嘅人,明唔明?」

阿心好似明又好似唔明咁點點頭,好傻