[有沙入眼]是咁的，我嘅職業係幫想自殺嘅人寫遺書: 61.收錢
「問黎做乜？」
「我習慣見證我客人點死。」冬姐哦哦哦咁，話我好奇怪，又好特別
雖然佢覺得細路仔最好唔好睇，但最後都講左我知
另外，佢仲向我交代埋身後事
我聽完冬姐叫我幫佢手嘅野，當堂嚇左一大跳，但好快冷靜翻，答應左佢
「抄完！真係老骨頭，手都痛埋！幾錢呀？」
冬姐打開個曲奇罐，入面係一卷卷綁好嘅一百蚊紙，同一堆散銀：「今次阿姐實夠錢比架喇！」
罐入面，就係冬姐被呃淨嘅錢，佢最後嘅積蓄
我笑左下，直接伸手入罐度拎
「多謝哂。」我話
冬姐見倒，唔知點解，眼淚就流左落黎
「咁⋯⋯就拜託你喇⋯⋯」
我點頭，同佢講再見，將兩個四收左入袋，就走左