[有沙入眼]是咁的，我嘅職業係幫想自殺嘅人寫遺書: 71.界落去

「唔好再講⋯⋯」阿心㩒住耳仔，跪左喺我面前

「你病，冬姐就比錢你醫。佢病，就唔醫。」

到最後，冬姐嘅儲蓄，都係無左

個曲奇罐入面，粗略估計都可能仲有幾萬蚊

但係幾萬蚊醫胃癌，夠咩？





與其留住條命又要用錢，又辛苦

咁不如自殺，起碼淨低嘅錢可以留比你

阿心抬頭望住我，佢嘅眼神入面，有自殺嘅烈火燃燒緊

佢拎起枱上嘅碟，撞落枱邊

啪喇，隻瓦碟碎成利器





阿心就咁用碎片對住自己條頸界落去