[有沙入眼]是咁的，我嘅職業係幫想自殺嘅人寫遺書: 78.放心喇

然後，仲有一段阿心腥過黎嘅短文

內容係話佢識左兩個新朋友，同埋會努力讀到畢業

「因為，我應承過媽咪。」

我問佢係咩事，佢就講左四年前喺交叉酒家嘅事我知

「你唔要封遺書架啦？」





「唔喇，應該會有好長嘅時間，我都用唔著。」

「如果你又想自殺，先再搵我。」

「咁希望以後都唔會再見倒你。」

我無覆，因為唔需要

雖然阿心有一瞬間中意過我，但始終我都對冬姐見死不救，佢會憎我都好正常





「hey」隔左無耐，阿心又搵我

「？」

「thank you」

「u are welcome 」

「good bye」





睇到最後，我笑左

我將冬姐嘅遺書，同阿心嘅遺書，一齊點火

煙火升起，隨風四散，紙屑飄零

我望住白煙同碎屑，深深吸左口氣

「冬姐，你可以放心喇。」