[有沙入眼]是咁的，我嘅職業係幫想自殺嘅人寫遺書: 81.運吉

「你就係喺網上話幫人寫遺書嘅人？」

佢wtsapp話要搵我寫遺書，點知一見倒面，我就知自己係比人釣左出黎

「係呀。」

「係咁嘅，我係記者，呢張我卡片。你幫我寫封遺書丫。」

「唔得。」





「點解呀？」

「你都唔係想死。」

「嘩！你點知架？」miki個樣，係真心驚訝

盲嘅都知啦⋯⋯

「你係咪識讀心術？所以幫人寫倒佢地嘅感受呀？」





「讀咩心術，同人講野咪知人地咩感受囉。」

miki即刻抄低，我即刻㩒住佢隻手：「頂你個肺我無話接受訪問呀。」

「咁唔寫囉。」

我伸手入佢件外套，佢無掙扎，就咁比我伸入去

果然無估錯，入面有錄音筆





「你平時都係一識女仔就伸手入人地件衫架？」

我無理佢，伸埋入佢褲袋，果然佢連手機都開埋錄音，今次佢真係驚，想搶翻：「唔好啦！我得翻呢部可以錄音炸！」

「你唔係幫襯就咪喺度運吉啦，哂我時間。」我講完，就走左