[有沙入眼]是咁的，我嘅職業係幫想自殺嘅人寫遺書: 84.唔錄得
上完堂，我就去樂富嘅老麥見客
miki好自然又跟過黎
「你跟夠未？」佢簡直好似啲背後靈咁，搞到我周身唔聚財
miki無應我，淨係用對大眼望住我
個表情好似比人遺棄嘅貓仔咁
死火，我對女仔嘅呢種可憐表情可以話完全無抵抗力
「好喇好喇，當我怕左你。你可以睇我點見客，但係唔該你熄哂啲錄音機佢。」
可能miki已經發現我受軟唔受硬嘅弱點，於是佢咬一下唇，問：「真係唔錄得？」
不過，對於原則同底線，我有我嘅堅持：「唔錄得。」
「咁好啦。」佢主動比左錄音筆同手機我，然後我地就入左老麥