[有沙入眼]是咁的，我嘅職業係幫想自殺嘅人寫遺書: 88.用心
「你架車到底邊度得黎？」我發過誓唔坐佢架車，廢是比佢煩我
不過我好好奇點解一個記者仔會有私家車
「買咪有，我屋企好有錢架。其實我淨係做廢青都可以輪迴十幾次唔洗愁，所以做記者純粹係興趣黎。」
miki講完，好似記起啲野，然後伸手入我外套
「無錄音機呀，唔洗搵。」
miki唔忿氣，又伸入我褲袋拎我部iphone出黎，當然，亦無開錄音模式
「真係無錄⋯⋯」
我指住佢右胸話：「錄音係用緊依邊。有野要記⋯⋯」我將手指移去左邊，掂左一下：「用依邊。」