[有沙入眼]是咁的，我嘅職業係幫想自殺嘅人寫遺書: 94.嗰間咩黎
豪仔講完我知，我雖然覺得有啲奇怪，但仍然答應左佢，照佢說話寫
阿嵐今個星期六晚舉行婚禮，今日星期四，我大約有兩日時間
「傾完喇？點呀？」miki原來企左喺外面等我出黎
「佢有野暪住我。」
「我幫你查丫！」miki想前衝，我即刻拉住佢衣領
「你咪好似狗公咁得唔得呀？佢既然唔講我知，查黎做乜？」
「咁做記者就係要搵真相架啦！」
「到佢想講，自然會講。」
「我真係理解唔倒你嘅作風。」miki嘆左口氣，之後就指住對面街問：「嗰間咩黎？」