[有沙入眼]是咁的，我嘅職業係幫想自殺嘅人寫遺書: 96.唔係佢
我搖下頭，保持翻清醒
眼前嘅係miki，唔係佢
「你啱啱點解陰陰嘴笑？」
「笑你個樣白痴。」
miki扁嘴抗議：「你就白痴！」
我買完，就同miki一人一啖咁食，佢即刻感動到大叫：「嘩！點解會咁嘅味？好好食喎！仲要廿幾蚊炸，點解咁平但係咁好食？」
「有無咁誇張呀？你平時唔會食依啲小食架咩？」
「我住半山區，都無依啲野食嘅。中環金鐘都無咁嘅舖頭。」佢咬左粒火雞腎，個樣好滿足
或者因為miki太似佢，我竟然衝口而出：「咁我遲啲再帶你周圍食好野。」