[有沙入眼]是咁的，我嘅職業係幫想自殺嘅人寫遺書: 109.梁美琪，去死！！！
「你咪話唔中意紅色冷衫嘅？放心，好快就唔洗再著。」佢輕輕撫摸miki個頭
「真嘅？」
「超人哥哥點會呃你。」
真係唔可以唔佩服嗰個男人，因為佢雖然只係問miki件冷衫嘅問題，但係已經推敲倒件衫嘅用途
miki父母見佢淨係問啲無關緊要嘅問題，就無阻止
將支錄音筆交還左嘅一個星期之後，以「富豪獸父性虐親生女」為標題嘅報紙，就出版左
「警察叔叔黎我屋企拉左爸爸同媽咪，然後我就去左社工姐姐度住。」
到miki再一次翻到屋企嘅時候，佢阿爸同阿媽都已經死左
喺保釋期間，佢阿爸喺屋企比人斬死，阿媽就吊頸自殺
「媽咪殺左爸爸之後，用爸爸嘅血寫低遺言，然後就自殺。」
玻璃枱上，用血寫住：「梁美琪，去死！！！」
miki到今時今日仍然住喺死左兩個人嘅凶宅