其實個個結婚嗰晚,基本上都大同小異

影相、就座、新人入場、致感謝詞、食飯、睇成長片段、食飯、離場

可能全場,除左啲小朋友之外,得miki一個會對每個環節都興奮到大呼小叫

「我都想著婚紗⋯⋯」

佢細細聲講:「爸爸同媽咪,以前係咪都做過呢啲野?」





佢父母結婚果晚,又點會諗倒,最後嘅結局會鮮血淋漓?

或者係因為,佢地一早已經忘記左結婚當晚嘅感動,所以佢地嘅婚姻先會悲劇收場

就算係而家喺台上甜笑緊嘅阿嵐同阿浩,又有邊個可以保證佢地嘅未來係幸福快樂?

無,無人保證倒

不過,至少今晚,豪仔叫我代替佢見證嘅今晚,阿嵐係實實在在咁,得到過幸福快樂