到散席離場,一對新人就企喺出口同賓客講再見,由於太多人走,我同miki決定一陣先離場

大約十五分鐘之後,第一轉賓客走左,我地先乘機出去

「多謝哂多謝哂,招呼唔到。」阿嵐送走一個長輩之後轉身,就見倒我

唔知佢感覺倒啲咩,但係佢問我:「你⋯⋯係豪仔個朋友?」

「係。恭喜你。呢封係豪仔比你嘅。」我拎左個紅色信封出黎交比阿嵐





「佢個死仔,原來都結婚喇?」

我笑一笑,同佢講再見

「阿嵐嗰晚結婚⋯⋯我諗⋯⋯都係用紅色信封會好睇啲。」

豪仔既說話,已經無必要轉述