[有沙入眼]是咁的，我嘅職業係幫想自殺嘅人寫遺書: 133.個心有事嘅人

「我唔明喎。」

「有乜唔明？」

「雖然封遺書講豪仔嘅感情就講哂，但係到底佢點解要自殺？」miki比翻封遺書原稿我

「豪仔只係想一直守護阿嵐嘅笑容姐。」

「咁我仲唔明喎。同佢要死有乜關係？」

我諗翻起豪仔比我睇嘅器官捐贈卡

「佢自殺，係因為要捐個心⋯⋯」

「吓？！原來係咁呀？啱啱又睇唔出阿嵐似有乜事喎，佢個心做咩？心臟衰竭？」

miki又搶對白，仲要搶錯

「個心有事嘅唔係阿嵐。」

「吓？」

「個心有事嘅係新郎，即係阿浩。」