[有沙入眼]是咁的，我嘅職業係幫想自殺嘅人寫遺書: 135.A+

豪仔捐完血，雖然想問阿浩點解唔捐，但係佢唔敢問

「你實好奇怪，點解我大人大姐唔捐血係咪？」或者係感覺倒豪仔嘅疑惑，阿浩自己講呢個話題

「咁⋯⋯點解？」

阿浩指一指自己心口，無奈咁笑：「我個心有事，唔捐得血。」

「有事？」





「係呀，等緊換心。醫生話，等唔倒的話，今年年尾就無命。」

「咁有無心？」

「阿嵐嗰個囉，我梗係唔要啦。」

「你又係⋯⋯A+？」

「係呀，你呢？」





「一樣。」

「咁我地係朋友喇。同血三分親，哈哈！」阿浩同豪仔握手