幾日之後,我帶埋miki,出現喺某私家醫院病房入面

「點呀?無錢用呀窮撚?要翻黎搵我?」

當日,我因為無心機聽呢個阿伯講野,所以對佢話自己等心換嘅事基本上係左耳入右耳出

「我淨係黎問你幾個問題。」我諗起星期五晚,豪仔話要喺灣仔見客

「好丫,不過你問我一條,我問翻你一條。」





「好。你星期五係咪見過豪仔?」

「係呀,佢係我經紀。到我,你點會搵倒我?」

我指一指miki:「我大約估倒你做乜,所以應該會轉醫院,就叫佢幫我查。你點知豪仔嘅血型?」

「問咪知。好喇,窮撚,睇你有幾巴屎閉,阿叔我做左啲乜呀?講黎聽下。」