[有沙入眼]是咁的，我嘅職業係幫想自殺嘅人寫遺書: 147.要守護嘅笑容

「點呀？吓⋯窮撚，做乜唔出聲呀？你吹得阿叔脹咩？」

我握拳太用力，指甲刺入掌心，幾乎出血咁滯

情況就好似望住689犯法，但係無任何野制裁倒佢一樣

咁可以點？個心已經喺佢度

我做倒乜野？我只係一個寫遺書嘅人





我深呼吸左一口氣

「阿伯，你有無野想喺遺書度講？」

「換撚左心仲遺乜書呀？吓⋯咩呀？嗰日走得咁瀟灑，吓⋯⋯今日翻黎求我比生意你呀？」

「咁你真係好可憐。」

我仍然有野可以做，我都同miki講過，相信豪仔嘅心意，仲有相信佢個心





我相信人心，唔單止係一個器官

「豪仔，你甘心咩？」

我知，豪仔聽得倒

「吓⋯⋯你⋯⋯吓⋯⋯講乜⋯⋯⋯尻⋯⋯吓⋯⋯⋯」

阿伯㩒住自己個心，好似呼吸困難咁





我知，豪仔唔會甘心

因為佢要守護嘅，唔係呢個仆街

佢要守護嘅，係阿嵐嘅笑容