第二日夜晚,我帶左一樣野去筲箕灣,根據豪仔比我嘅地址去到阿嵐同阿浩屋企樓下

miki都同我一齊,因為對呢個個案,佢好想睇到最後

等到大約七點半,我地就見倒阿嵐翻黎

「咦?你地係⋯⋯豪仔朋友?」阿嵐笑一笑,又講:「其實你地唔係⋯⋯」

無錯,阿嵐一早知道我同miki,咩都唔係





「吓?你點知架?」

「豪仔一直都無咩朋友,點會無啦啦彈個兄弟出黎?」

「咁你唔踢爆我地嘅?」

「無必要丫,無論點都好,我相信你地都係幫豪仔嘅人。」

「嘩!係呀!你同阿金一樣識讀心術喎!」





「阿嵐小姐,有無時間同我地坐低傾傾?」

「可以呀,上黎坐啦。」