「希仔呀,話比miki姐姐知你做乜要死呀?」

你條友得寸進尺搶我對白⋯⋯

我正想話佢嘅時候,發現miki個樣,竟然好似一個媽咪,所以就由得佢問

希仔放低個書包,望住地下,久唔久摸下自己個肥肚

佢,唔敢講





「希仔呀,你講啦,你唔講出黎姐姐點幫你呀?」

愈叫,愈唔講

我相信如果希仔有見學校社工,咁佢嘅自殺念頭肯定已經受過打擊

「希仔,乜你好中意寵物小精靈架咩?」我指一指佢個小學雞書包