[有沙入眼]是咁的，我嘅職業係幫想自殺嘅人寫遺書: 176.砌拼圖

我下定決心幫人寫遺書之後，過左一段時間阿文先發現

佢會知，係因為佢輔導嘅女仔黎搵我

然後個女仔就自殺死左

「你到底同佢講過乜野？！」我諗，阿文覺得係我推動個女仔嘅崩潰情緒

事實上，佢地一早已經崩潰左





阿文落力咁想砌翻好塊拼圖比人睇

而我，只係赤裸裸咁將本來就爛左嘅拼圖擺出黎

有啲人可能其實都想將塊拼圖砌翻好，只係佢地以為自己已經唔想砌，呢種人就需要社工陪佢一齊砌

另一種人，已經唔想玩，望住好似永遠唔會完成得倒嘅一億塊puzzle，搵唔倒出路

呢種人同我講：「我已經唔想砌喇，幫我話比人知，我唔想再砌。」





嗯，咁唔好再砌喇

我只係個幫人寫遺書嘅人，唔係社工