[有沙入眼]是咁的，我嘅職業係幫想自殺嘅人寫遺書: 180.同歸於盡

第二日，星期五，上課日

我去到阿誠學校，喺外面見住阿誠跳落操場

七層高嘅校園，每一層都有人望出黎

而五樓，特別混亂

嗰間學校，同一日內死左三個人





一宗他殺，兩宗自殺

miki間報館都有報導，佢係其中一個幫手嘅記者

當佢發現其中一個死者係阿誠，就即刻搵我

「好大鑊喎！阿誠殺左個男學生之後跳樓！」

miki講得好激動，而我一早就知，阿誠自殺之前會殺左阿發先，所以無咩反應





「而家練習緊。」當時阿誠嘅動作，就係用刀桶人嘅動作

決心佢係下定左，只在於殺唔殺倒阿發

聽講阿誠小息嘅時候，喺眾目睽睽之下落手

其他學生唔夠膽阻止，就算老師見倒都係報警，同埋保護其他學生唔好靠近

「目擊嗰班學生話阿誠好似完全痴左線咁，唔敢埋去。」





因為即使阿發已經死左，阿誠仍然騎喺條屍上面，不停用刀插阿發隻右手