[有沙入眼]是咁的，我嘅職業係幫想自殺嘅人寫遺書: 191.遺書原稿
本來，正常人望倒希仔面上又有白粉，個書包又容容爛爛，好自然會覺得佢比人欺凌
我亦一樣
只係，希仔同我講遺書嘅內容嗰陣，欺凌竟然唔係最重要嘅成份，我先覺得有啲奇怪
阿文個樣仲係有啲難以置信，於是我就拎左封遺書嘅原稿出黎，比阿文睇
封遺書，本來只得頭一段
「我等不下去了。」睇倒最尾嘅一句，希仔就明白，我已經知佢咩事
希仔同我講真話
「得哥哥你一個知炸⋯⋯」佢抄第一段嘅時候，我就當場寫埋封原稿，由第二段開始，先係佢真正嘅心聲
阿文一路睇，一路咬住下唇，雪白嘅手指因為太用力，揸巢左封遺書