[有沙入眼]是咁的，我嘅職業係幫想自殺嘅人寫遺書: 193.父母

其實最開始，希仔的確有比人欺凌

半年前，希仔因為欺凌嘅事，搵過父母

但係校方介入之後，慢慢解決左欺凌問題

之後雖然仲有零星嘅欺凌事件，但係希仔見我地嗰日，無人蝦過佢

而佢父母就由欺凌嘅開始到結束，都無翻屋企睇過希仔





如果，爸爸媽媽今日翻黎睇我，但係我又唔似比人蝦過，佢地實以為我講大話

希仔就係因為咁，喺自己面上抹白粉，同整爛自己個書包

不過佢父母都係無翻黎

「我明明聯絡過⋯⋯希仔家長⋯⋯」阿文話雖然打左五六十次先有人聽，但係對方的而且確話會處理

「父母收倒社工電話，實話會處理。」





至於處唔處理，同得唔得閒去處理，又係另一回事

希仔上年留級咁大件事，佢父母都無翻過黎

「佢地都係同希仔講，daddy mami會盡快翻黎睇你架喇。個盡快，係幾快？」

半年都未有影

「你都有睇報導，你覺得，希仔阿爸阿媽，真係有翻黎處理過問題咩？」





希仔父母知道自己個仔自殺死左，都話仲做緊野

當然，佢地一個鐘後，即係放左工，就訂最快嘅機票翻香港