[有沙入眼]是咁的，我嘅職業係幫想自殺嘅人寫遺書: 206.倒戈相向

「不過你唔係佢。」

「邊個知？」我諗起無間道嘅劉德華

呢個世界在乎嘅，唔係真實，而係真相有幾多人知

無人知嘅真相，等同於唔存在

「我無其他作者咁好運，已經比我嘅讀者認為我係如果巴打。」





只要比人認定係分身，點樣解釋都無用

本來仲有零星嘅支持者，但係負評同叫嘉儀死出高燈、食屎、咪撚po啦無人想睇呀嘅留言每日都十幾個

曾經嘅留名，支持，好睇，加油，努力

一字一句慢慢無再喺回覆出現

就好似眼白白睇住個仔本來品學兼優，漸漸比人唾棄一樣

眼白白睇住自己嘅支持者，因為流言蜚語而倒戈相向，但係無能為力嘅痛苦

「如果你都係網絡作家，你就會明。」

我嘅身份只係個寫遺書嘅人，所以我係唔會明

但係，我理解倒佢嘅無奈

一直堅持要實現嘅願望，終於有少少跡象會成真





「可能有機會出書，有機會拍成電影。」

不過，而家已經無機會

本來喺自己指尖前嘅夢想，已經比人摧毀左