我地上翻車之後,miki無開車

「摟住我一陣⋯⋯得唔得呀?」

佢講完已經成個身捱左埋黎,我順佢意思,摟住左佢

miki話,佢見倒阿媽張相嗰刻,身體有種好奇怪嘅感覺

好模糊嘅記憶浮現





「打開眼嘅時候,見倒媽咪笑緊,望住我。」

用手指頭好輕力,好似怕篤破翻揀泡咁輕力,沿住我塊面摸左一下

訓醒喇?

當時抱住自己嘅手臂觸感,甜笑嘅面容

miki知道,嗰種就係一個女人最簡單嘅幸福





一種佢今生今世都得唔倒嘅幸福

摟住miki嘅雙手,不知不覺用力左

摟得太實,就會痛

但係此時此刻嘅miki,將手放喺我手臂上面,耷低頭:「摟實啲⋯求下你⋯」