[有沙入眼]是咁的，我嘅職業係幫想自殺嘅人寫遺書: 228.好耐無人同我講過
「你嘅初戀，係點架？」
「初戀⋯⋯我無初戀架。」阿dick令我諗起喜劇之王嘅張柏芝
如果我會覺得柳飄飄比人呃完就做雞好可憐
咁應該都會覺得阿dick初戀係發生左啲事，而令佢變成蒲精，同樣可憐
女人有情傷而變公廁，可能仲有人同情
但係男人有情傷而變人渣，就覺得係佢自己攞黎
「你唔係無，只係唔想講。」
阿dick索一下鼻水，抬高頭望住天花板
「有需要講咩？」
「同其他人唔需要，但係我想了解你。」
佢捽下個鼻
好耐無人同我講過，想了解我喇