[有沙入眼]是咁的，我嘅職業係幫想自殺嘅人寫遺書: 235.原來，係假嘅
如果豪仔係從頭到尾都對真愛毫無懷疑嘅愛情信徒
咁阿dick就係本來好相信真愛，然後半路出家入夜蒲門下嘅弟子
分別係在於，豪仔所相信嘅愛，從來無背叛過佢
阿嵐從來無接受佢，對愛情友情分得清清楚楚
雖然豪仔會因為阿嵐同阿浩一齊而心痛，但係並無動搖過佢對真愛嘅信任
而阿dick，就好似相信一個宣揚一夫一妻制嘅上帝，某日發現上帝原來有後宮佳麗三千人
阿糖接受佢，令佢相信多年嘅關懷同付出可以令人愛上佢，真心有回報
但原來，係假嘅
深信不疑嘅信念，精神支柱完全被破壞