[有沙入眼]是咁的，我嘅職業係幫想自殺嘅人寫遺書: 243.黑炭

我唯有教一教miki點整大火細火

「哦！明哂喇，得喇得喇，你等廚神miki整啦！」

地獄廚神炸掛？

隔左一陣，全間屋都有燶味，我又跑去廚房

點知比miki推翻出廳





「上碟喇上碟喇，唔好咁心急啦，小朋友唔入得廚房架。」咁你應該即刻出翻黎

兩碟午餐肉放喺枱

我嗰碟係灰炭，miki嗰碟係黑炭

「原來用明火咁難煎架喎。哈哈。」

miki夾起一塊黑炭：「不過唔可以做大唗鬼，食啦。」





黑炭隊到埋我口，燶味傳入我個鼻

受到咁嘅刺激，我終於都頂唔順

我咬左落去