[有沙入眼]是咁的，我嘅職業係幫想自殺嘅人寫遺書: 245.如果幸福係計分
我害死左三個人
如果要講我屋企，其實都有啲似希仔，因為我老豆都係工作狂
不過做得醫院就自然on call36小時，好多時都見佢唔倒
好彩阿媽係家庭主婦，唔洗翻工，全心全意照顧我地
而雖然好少見老豆，但係難得放假的話，佢都會陪我地
我會中意食午餐肉，就係因為，老豆煎得好好食
金黃乾身脆邊，咬落去有聲
每次一有午餐肉做餸，我就食多碗飯，我老豆就會望住我笑
然後用筷子夾最後一塊比我
「次次都夾比金仔。」
「金女你唔係咁都呷醋下話？」金弦聽完就會話：「我先唔呷金仔醋。午餐肉咁鬼鹹！」
除左阿媽，全家都識煎到金黃脆邊
所以老豆成日笑佢：「乜你用油煎都煎到好似蒸出黎咁？」
「你叻囉，唔知邊個上次煮飯煮到白粥咁款。」阿媽就會咁反擊
如果幸福係計分，咁我曾經，都係拎過好成績嘅人