[有沙入眼]是咁的，我嘅職業係幫想自殺嘅人寫遺書: 250.天真，可愛

「你要負責任架。」靜思摟實我隻手，好嗲咁講

「梗係負啦，我話過愛你一生一世加嘛。」

「你係先好講。」我地都係初戀，諗翻啲甜言蜜語，真係初戀先講得出口

「你口趙完鬆我就咬你。」靜思講完，諗左諗，就拎起我隻手黎咬

「痛！搞錯呀，我都話娶你你仲咬。」我見住右腕嘅牙印現出黎

「咬定先，係愛嘅牙印，你以後都係我嘅。」佢又摟實左

天真就係，我地兩個都相信可以一生一世

雖然天真，諗翻，都未嘗唔係一種可愛