[有沙入眼]是咁的，我嘅職業係幫想自殺嘅人寫遺書: 264.無仇報

「金⋯仔⋯」金弦打開眼，望住我

「聽日我再帶你去食肥姐。」

你對眼興奮到好似有金光咁，所以miki令我諗起你

「真嘅？」

「真嘅。」就好似當時我同阿may講嘅說話，不過我係真心，唔係呃你





「仲要帶你周圍食好野，好無？」我對冬姐不自覺講嘅好無

「好！」

全部，全部都係曾經嘅我同你

如果有睇大時代，我諗當時就係劉松仁痙攣之後，生活開始好轉嘅時候

劉松仁疊報紙搵錢，夾倒餸，仲有識自己翻屋企





我開始習慣照顧金弦，佢亦愈黎愈乖，起碼做倒自己用匙更食飯

不過方展博比我好運，因為佢可以搵丁蟹報仇

而我，無仇報