[有沙入眼]是咁的，我嘅職業係幫想自殺嘅人寫遺書: 267.你死左就好

「因為⋯我？」金弦問

係

「唔係。」

「因⋯為我？」佢開始索鼻水，流眼淚

「唔係呀⋯⋯」





「嗚⋯⋯因為我！」

「我話唔係呀！！！！！！」

金弦流緊眼淚，但係，竟然係向我微笑

如果當時嘅我，睇得穿笑容下嘅痛苦⋯⋯

沉寂嘅空氣反而令我急速冷靜落黎





「對⋯⋯對唔住⋯」

「唔好⋯喊⋯啦⋯⋯」佢過黎，笑住咁拍我個頭

終於開始識控制力度

「你⋯⋯係⋯⋯男仔⋯黎加嘛⋯⋯」

我好清楚自己嬲乜





靜思仲走得甩，但係我，今生今世都走唔甩

我唔係因為發脾氣而道歉

我係對自己心入面嗰種「你死左就好」嘅念頭感到羞恥